Գիտական նախագծի մրցույթ

Հարգելի գործընկերներ,

Գաստրոէնտերոլոգների հայկական ասոցիացիան հայտարարում է գիտական նախագծի մրցույթ` Գաստրոէնտերոլոգիա, Ընդհանուր վիրաբուժություն, Ճառագայթային ախտորոշում և Էնդոսկոպիա մասնագիտություններով կլինիկական օրդինատորների համար: Մրցույթի նպատակն է երիտասարդ մասնագետների շրջանում խթանել գիտահետազոտական աշխատանքներ կատարելու ակտիվությունը և նպաստել գաստրոէնտերոլոգիայի և լյարդաբանության զարգացմանը Հայաստանում:

Մրցույթի չափանիշներ :

Կարող են մասնակցել մինչև 3 հոգուց կազմված խմբեր

Առաջարկեք նախագիծ, որը հնարավոր է իրագործել` մինչև 1 տարի ժամանակահատվածում

Պետք է հստակ նշված լինեն նպատակը, խնդիրները և դրանց կատարմանն ուղղված գործողությունների նկարագրությունը և ժամանակացույց

Հետազոտությունը ավարտելուց մինչև 1 տարի ժամկետում պետք է գրված լինի գիտական հոդված կամ թեզիս, որը կներկայացվի որևէ միջազգային գրախոսվող ամսագիր

Լավագույն երկու նախագծերը կստանան մրցանակներ:

– Լավագույնը՝ UEG – United European Gastroenterology summer school 2025-ի գրանցում խմբի բոլոր անդամների համար և ընդհանուր 180 000 դրամ

– Երկրորդ տեղը՝ միայն UEG – United European Gastroenterology summer school 2025-ի գրանցում

Ամեն եռամսյակը մեկ պետք է ներկայացվի կատարաված աշխատանքի վերաբերյալ հաշվետվություն , իսկ նախագծով նախատեսված ժամկետներում աշխատանքը չներկայացնելու դեպքում հաղթած մասնակիցները պետք է վերադարձնեն դրամաշնորհը

Բոլոր մասնակիցները պետք է լինեն Գաստրոէնտերոլոգների Հայկական Ասոցիացիայի անդամ։

Դիմումի ընթացք :

Հայտերն ուղարկել՝ info@gastroenterology.am էլեկտրոնային հասցեին

Հարցերի դեպքում զանգահարել՝ +37498829969 հեռախոսահամարին կամ գրել info@gastroenterology.am էլեկտրոնային հասցեին։

Ընտրության ընթացք :

• Բոլոր դիմումները կստուգվեն գաստրոէնտերոլոգների հայկական ասոցիացիայի հատուկ հետազոտական հանձնաժողովի կողմից

Դիմելու վերջնաժամկետը` 2024 թ. Հունվարի 20 ժ. 18:00

Բոլոր դիմորդները կտեղեկացվեն իրենց դիմումի կարգավիճակի մասին մինչև 2024 թվականի հունվարի 28-ը

Հ․Գ․ Փետրվարի 4-18՝ UEG ամառային դպրոցի հայտադիմումների ընդունման ժամկետ։