Մեր մասին

Պատմություն

Գաստրոէնտերոլոգների հայկական ասոցիացիան ստեղծվել է 2012 թ.: Այն միավորում է ինչպես
գաստրոէնտերոլոգների, այնպես էլ տարբեր մասնագիտությամբ բժիշկների, ովքեր հետաքրքրված են
գաստրոէնտերոլոգիայի ոլորտով: Ասոցիացիայի նախագահն է ՀՀ ԱՆ Աղեստամոքսաբանության գծով
խորհրդատու Մանիկ Գեմիլյանը: Անդամների թիվը մոտ 70 է:
Ասոցիացիայի հիմնական նպատակներից են՝ սատարել հայ բժշկագիտության զարգացմանը,
աջակցել գաստրոէնտերոլոգիայի բնագավառում բժշկագիտական, ուսումնագիտական, գիտահետազոտական
և կլինիկական աշխատանքների զարգացմանն ու բարեփոխումներին, աջակցել հայ բժիշկ-գիտնականների
համախմբանը և համատեղ ծրագրերի իրականացմանը, հրապարակել տեղեկություններ համաբժշկական
նորությունների, բժշկական սարքավորումների տեխնիկական նվաճումների և դեղանյութերի վերաբերյալ,
կազմակերպել ինտերնետային կայքէջ, մասնագիտական տեղեկատվության գիտական պարբերական և
տեղեկատվության համախմբման և սփռման այլ միջոցներ, կազմակերպել գիտաժողովներ, գործնական
պարապմունքներ, դասնթացներ, սեմինար-քննարկումներ, հանդիպումներ և այլ միջոցառումներ:
Իր գործունեության ընթացքում Ասոցիացիան կազմակերպել է բազմաթիվ գիտաժողովներ և
սեմինարներ՝ ինչպես Երևանում, այնպես էլ ՀՀ մարզերում և Արցախում: 2014 թ. Ասոցիացիան դարձել է
Եվրոպական գաստրոէնտերոլոգիական միության (United European Gastroenterology – UEG)
անդամ ասոցիացիա, իսկ 2016 թ. Ասոցիացիայի ներկայացուցիչը՝ Մանիկ Գեմիլյանը, այդ միության
Ազգային ասոցիացիաների ֆորումում ընտրվեց UEG կառավարող մարմնի՝ Գլխավոր ասամբլեայի անդամ:
2017 թ. Ասոցիացիան՝ Եվրոպական հելիկոբակտերի և միկրոբիոտայի ուսումնասիրման խմբի
(EHMSG) հետ համատեղ UEG կողմից ֆինանսավորվող դրամաշնորհային ծրագիր իրականացրեց՝
Հելիկոբակտեր պիլորի վարակի վարման և ֆեկալ տրանսպլանտացիայի եվրոպական ուղեցույցերի
Հայաստանի համար ադապտացման և Երևանում 2018 թ. նոյեմբերին կայացած միջազգային գիտաժողովին
այդ ադապտացված ուղեցույցերը ներկայացնելու համար:
2020 թ.՝ նախորդ միջոցառման հաջողությամբ ոգեշնչված, Եվրոպական գաստրոէնտերոլոգիայի,
էնդոկոպիայի և սնուցման ասոցիացիայի նախաձեռնությամբ (EAGEN) կայացավ համատեղ առցանց
գիտաժողով՝ «Մարսողական հիվանդություններ. սնուցման և միկրոբիոտայի մոդուլյացիայի թերապևտիկ
դերը» թեմայով, որտեղ հանդես եկան ոլորտի ճանաչված միջազգային փորձագետներ, այնպես էլ
Ասոցիացիայի անդամներ: Չնայած պանդեմիային և պատերազմական վիճակին՝ միջոցառումը մեծ
հաջողություն ունեցավ /մոտ 150 մասնակից՝ Հայաստանից և այլ երկրներից/:

2012-2021 թվականներին ասոցիացիայի նախագահը եղել է՝ Է․ Հ․ Գրիգորյանը։

2021 թ․-ից մինչ օրս ասոցիացիայի նախագահն է՝ Մ․ Բ․ Գեմիլյանը։

Մեր առաքելությունն է՝

հայկական բժշկագիտության Գաստրոէնտերոլոգիայի ոլորտը հասցնել և պահպանել միջազգային բարձրագույն չափանիշներին համապատասխան մակարդակին՝ համաշխարհային ասպարեզում բարձր մրցունակություն ապահովելով։

Մեր նպատակներն են՝

– Աջակցել բժիշկների, գիտնականների, երիտասարդ մասնագետների կլինիկական և գիտահետազոտական աշխատանքներին, փորձարարական մշակումներին:

– Աջակցել գաստրոէնտերոլոգիայի բնագավառում բժշկագիտական, ուսումնագիտա­կան, գիտահետազոտական և կլինիկական աշխատանքների զարգացմանն ու բարեփոխումներին: Մշակել և իրականացնել մասնագիտական և հանրամատչելի ծրագրեր և ուսումնասիրություններ:

– Աջակցել առողջության առաջնային պահպանմանն ուղղված միջոցառումների կազմակերպմանը և զարգացմանը:

– Խթանել ազգաբնակչության առողջության պահպանման, վաղ ախտորոշման, պոլիկլինիկական և կլինիկական բուժման միջոցառումների կազմակերպումը

– Աջակցել հայ բժիշկ-գիտնականների համախմբանը և համատեղ ծրագրերի իրականացմանը:

– Աջակցել և երաշխավորել մասնագետներին` Հայաստանում և արտասահմանում կայացող գիտաժողովներին մասնակցության հարցում:

– Հրապարակել տեղեկություններ համաբժշկական նորությունների, բժշկական սարքավորումների տեխնիկական նվաճումների և դեղանյութերի վերաբերյալ:

– Կազմակերպել ինտերնետային կայքէջ, մասնագիտական տեղեկատվության գիտական պարբերական և տեղեկատվության համախմբման և սփռման այլ միջոցներ:

– Ապահովել կազմակերպության համագործակցությունը, բաժանորդագրությունը և թղթակցությունը մասնագիտական միությունյունների և տարբեր միավորումների:

– Կազմակերպել գիտաժողովներ, գործնական պարապմունքներ, դասնթացներ, սեմինար-քննարկումներ, հանդիպումներ և այլ միջոցառումներ, անցկացնել անկախ սոցիոլոգիական հետազոտություններ:

Գաստրոէնտերոլոգների հայկական ասոցիացիան հանդիսանում է Գաստրոէնտերոլոգիական Եվրոպական Միության անդամ